మా వంటగది

వంటపేరు : వెజ్ బిర్యాని


కావలసిన పదార్దములు :


బియ్యం : కిలో 
టమాటాలు : నాలుగు  
పుదీనా ఆకులూ : పది 
ఉల్లిపాయలు : రెండు 
కాలి ఫ్లవర్ : పువ్వులో నాలుగో వంతు 
బంగాళాదుంపలు : రెండు 
బీన్స్ : పన్నెండు 
మెంతు కూర : రెండు కట్టలు
కేరెట్లు : మూడు 
బటానీలు : అర కప్పు 
పెరుగు : కప్పున్నర 
అల్లంవెల్లుల్లి : రెండు టీ స్పూన్లు 
పచ్చిమిర్చి : ఐదు 
పసుపు : అర టీ స్పూన్  
కారం : టీ స్పూన్ 
ఉప్పు : సరిపడా 
గరం మషాలా : టీ స్పూన్ 
నెయ్యి : నాలుగు టేబుల్ స్పూన్లు 
నూనె : అర కప్పు 
కొత్తిమీర : కట్ట 


తయారుచేయు విధానం :


1) బియ్యం కడిగి పావుగంట నాననివ్వాలి. 
2) స్టవ్ వెలిగించి బాణిలో నూనె వేడి చెయ్యాలి. నూనె కాగాక పచ్చిమిర్చి, ఉల్లి 
    ముక్కలు వేసి వేగాక, అల్లంవెల్లుల్లి పేస్టూ వేసి కలిపి అర టీస్పూన్ గరం 
    మషాలా, పసుపు, కారం, కూరగాయల ముక్కలు వేసి కలిపి పెరుగు వేసి 
    కాసేపు వేయించాలి. 
3) పెరుగు మొత్తం యిగిరి పోయాక దించి పక్కన పెట్టాలి.
4) లీటరున్నర నీటిని ఎసరుపెట్టి కాగిన తరువాత పుదీనా, మెంతుకూర, 
    కొత్తిమీర, మిగిలిన మసాలా, ఉప్పు వేసి బియ్యం వేసి మూడొంతులు 
    వుడికిన తరువాత సిమ్ లో పెట్టాలి.
5) ఇప్పుడు వేరే పాన్ స్టవ్ మీద పెట్టి కాస్త నెయ్యి వేసి, అన్నం వెడల్పుగా 
    సర్ది ఫైన కురగాయముక్కల మిశ్రమం వేసి సర్దాలి. అలా పొరలుపొరలుగా 
    వేసిన తరువాత మిగిలిన నెయ్యి వేసి మూత పెట్టి పది నిముషాలు సింలో 
    వుంచి ఆవిరి బయటకు రావటం చూసి ఒక నిముషం తరువాత స్టవ్ ఆఫ్ 
    చెయ్యాలి.


* అంతే వెజ్ బిర్యాని రెడి.

కావలసిన పదార్ధాలు :


చికెన్ : 1 కిలో
బాస్మతి బియ్యం : 1 కిలో
నెయ్యి : అరకప్పు
పలావు ఆకులు : మూడు
లవంగాలు : పది 
యాలకులు : పది
దాల్చిన చెక్క : రెండు ముక్కలు
ఉప్పు : తగినంత
అల్లం వెల్లుల్లి పేస్ట్ : రెండు టేబుల్ స్పూన్లు
ఉల్లిపాయలు : రెండు
కారం : మూడు టీ స్పూన్లు
పెరుగు : రెండు కప్పులు
నిమ్మరసం : పావుకప్పు
కొత్తిమిర : రెండు కట్టలు
పుదినా ఆకులు : గుప్పెడు
పసుపు : 1 టీ స్పూన్


తయారుచేయు విధానం :


1) బియ్యం కడిగి నీళ్ళుపోసి అరగంట పక్కనపెట్టాలి.
2) స్టవ్ వెలిగించి బాండిపెట్టి నెయ్యి వేడిచెయ్యాలి.
3) మసాల దినుసులలో అన్నింటిలో సగం తీసుకోని, కాగే నేతిలో వేపి, వేగాక  ఉల్లిముక్కలు, మిర్చి ముక్కలు వేసి కలపాలి.
4) ఇప్పుడు అల్లంవెల్లుల్లి పేస్ట్ వేసి వేగాక, కారం, ఉప్పు, పసుపు వేసి కలిపి, చికెన్ ముక్కలు వేసి కలపాలి.
5) కాసేపు ఆగి, కప్పు పెరుగు, కొద్దిగా నీళ్లు వేసి ఉడకనివ్వాలి. 
6) పక్క స్టవ్ మీద నీళ్లు మరిగించి, మిగిలిన మసాల దినుసులు, బియ్యం, ఉప్పు వేసి, అన్నం వండి పదునుమీద ఉండగానే వార్చి పక్కన పెట్టాలి.
7) ఇప్పుడు చికెన్ ఉడికి రెడీగా ఉంటుంది. దీనిలో నిమ్మరసం కలిపి స్టవ్ ఆపాలి.
8) వేరే బాండి తీసుకోని ముందుగా ఉడికిన చికెన్ సగం దానిలో వేసి, దానిమీద ఉడికిన అన్నం సగం వేసి, చికెన్ మిద సర్దాలి.
9) దానిమీద పుదినా ఆకులు కొన్ని, కొత్తిమిర తురుము కొంచెం వేసి మళ్లీ మిగిలిన చికెన్ వేసి సర్ది,  దానిమీద మిగిలిన అన్నం వేసి వెడల్పుగా చేసి మిగిలిన పుదినా, కొత్తిమిర జల్లి కప్పు పెరుగు బాగా గిలకొట్టి అన్నం మీద వేసి మూత పెట్టాలి. 
10) ఆవిరి బయటకు పోకుండా మైదా పిండి ముద్దతో అంచులు మూసివెయ్యాలి. 
11) ఇప్పుడు దీనిని స్టవ్ మీద పెట్టి సిమ్ లో పావుగంట దమ్ చేయాలి.


* అంతే చికెన్ బిర్యాని రెడి.

కావలసిన పదార్ధాలు :

మినప పప్పు : పావు కేజీ

ఇడ్లీరవ్వ : అర కేజీ

ఉప్పు : తగినంత

తయారు చేయు విధానం :

రేపు ఉదయం ఇడ్లీ వండాలి అంటే. మనం ఈరోజు రెడి చేసుకోవాలి. మినపప్పును మూడు గంటలు నానపెట్టిన తరువాత మెత్తగా రుబ్బాలి. రవ్వను నీటిలో వేసి గంట నానబెట్టాలి. ఇప్పుడు రవ్వను మూడు సార్లు  బాగా కడిగి నీటిని పిండి, రుబ్బిన పిండిలో వేసి ఉప్పు కలపాలి ఇదిరాత్రి పులిసి పొంగుతుంది. మనం ఇడ్లీ వేసే ముందు బాగా కలిపి ఇడ్లీ పాత్రలో కొద్దిగా నీళ్ళుపోసి ఇడ్లీ రేకుల్లో కొంచెం కొంచెం పిండి ఇడ్లీలా వేసి నీళ్ళు పోసిన పాత్రలో పెట్టి మూతపెట్టాలి.  ఇప్పుడు స్టవ్ వెలిగించి ఈ పాత్ర పెట్టి పావు గంట వుడకనివ్వాలి. అంతే వేడివేడి ఇడ్లీ రెడి.