బెండకాయలు టమాట వేపుడు (Okra Tomato Fry in telugu Bendakaya Tomato Vepudu)

కావలసిన పదార్దములు :

బెండకాయలు - పావుకిలో
టమాటాలు - రెండు
కారం - అర టీ స్పూన్
ఉప్పు - సరిపడా
పసుపు - పావు టీ స్పూన్
పచ్చి మిర్చి - ఆరు
కరివేపాకు - రెండు రెమ్మలు
వెల్లుల్లి -ఐదు రెబ్బలు
ఎండిమిర్చి - రెండు
నూనె - మూడు టేబుల్ స్పూన్లు
జీలకర్ర - అర టీ స్పూన్

తయారుచేయు విధానం :

1) బెండకాయలు కడిగి నిలువుగా అడ్డుగా చిన్న చిన్న ముక్కలుగా కట్ చేయాలి.
2) టమాటాలు కూడా చిన్నచిన్న ముక్కలుగా కట్ చేయాలి.
3) స్టవ్ వెలిగించి కళాయి పెట్టి నూనె వేడి చేయాలి.నూనె కాగాక పోపు దినుసులు,వేసి వేగాక ఎండి మిర్చి,కరివేపాకు,వెల్లుల్లి,జీలకర్ర వేసి వేగిన తరువాత పచ్చిమిర్చిముక్కలు వేసి కలిపి పసుపు బెండకాయముక్కలు వేసి చిన్న మంటమీద కలుపుతూ ఉండాలి.
4) ఐదునిముషాలు ఆగి టమాటముక్కలు వేయాలి.తరువాత ఉప్పు కారం వేసి కలిపి ఒకనిముషం ఆగి స్టవ్ ఆపాలి. తడిపొడిగా ఉండే బెండకాయలు టమాట వేపుడు రెడీ.