పప్పు పాలకూర (Palak Dal in telugu Pappu Palakoora)

కావలసిన పదార్దాలు :

కందిపప్పు : కప్పు 

పాలకూర కట్ట : ఒకటి 

టమాటాలు : రెండు 

పచ్చిమిర్చి : నాలుగు 

ఉల్లి పాయ : ఒకటి 

పసుపు : పావు టీస్పూన్ 

కారం : అర టీ స్పూన్ 

ఉప్పు : సరిపడ

వెల్లుల్లి రేకలు : పది 

జీలకర్ర : పావు టీ స్పూన్ 

పోపుదినుసులు : టీ స్పూన్ 

ఎండుమిర్చి : రెండు 

కరివేపాకు : రెండు రెమ్మలు  

కొత్తిమీర : కొద్దిగా 

నెయ్యి : టేబుల్ స్పూన్ 

చింతపండు : నిమ్మకాయంత 

తయారుచేయు విధానం :

1) పాలకూర కడిగి చిన్నముక్కలుగా కట్ చేసుకోవాలి. టమాటా, పచ్చిమిర్చి, ఉల్లిపాయలు ముక్కలుగా కట్ చేసుకోవాలి.

2) కంది పప్పు బాగాకడిగి కుక్కర్లో వేసి రెండు కప్పుల నీళ్ళు పోసి అరగంట నానబెట్టాలి.

3) స్టవ్ వెలిగించి కుక్కర్ పెట్టాలి. మూడు విజిల్స్ వచ్చాక స్టవ్ ఆపాలి.

4) కుక్కర్ ఆవిరిపోయాక మూతతీసి పచ్చిమిర్చిముక్కలు, టమాటాముక్కలు, ఉల్లి ముక్కలు, పాలకూర, పసుపు, కారం వేసి వుడకనివ్వాలి. పదినిముషాలు వుడికిన తరువాత ఉప్పు, చింతపండు రసం వేసి ఐదునిముషాలు వుడకనివ్వాలి. కుక్కర్ దించుకోవాలి.

5) ఇప్పుడు స్టవ్ మీద కళాయి పెట్టి నెయ్యి వేడిచేయ్యాలి.
6) పోపుదినుసులు, ఎండిమిర్చి, కరివేపాకు, జీలకర్ర, వెల్లుల్లి వేసి వేగిన తరువాత ఈ తాలింపు పప్పులో వేసి కలపాలి. కొత్తిమీర కూడా వేసి మూతపెట్టి స్టవ్ ఆపాలి.