గోధుమరవ్వ : కప్పు
పంచదార : కప్పు
నెయ్యి :అర కప్పు
పాలు : మూడు కప్పులు
జిడిపప్పులు : పావుకప్పు
బాదాం పప్పులు : పావుకప్పు
యాలుకులు పొడి : పావు టీ స్పూన్
ఆపిల్ ముక్కలు : కప్పు
తయారుచేయు విధానం :
1) ఆపిల్ ని గింజలు తీసి ముక్కలుగా కట్ చేసి కొన్నిముక్కలు పక్కనపెట్టి మిగిలిన ముక్కలు మిక్సిజార్లో వేసి మెత్తగా పేస్టుచేసుకోవాలి.
2) స్టవ్ వెలిగించి కళాయిపెట్టి నెయ్యి వేడిచెయ్యాలి. కాగిన నేతిలో జీడిపప్పులు, బాదం పప్పులు వేసి వేయించాలి.
3) ఇప్పుడు ఇదే నేతిలో గోధుమరవ్వ వేసి దోరగా వేయించాలి. రవ్వ వేగుతుండగా పక్కన పెట్టిన ఆపిల్ ముక్కలు వేసి ఒకనిముషం వేపి పాలుపోసి కలుపుతుండాలి.
4) ఇప్పుడు మెత్తగా మిక్సిపట్టిన ఆపిల్ పేస్టువేసి చిన్నమంటమీద కలుపుతూ ఉడకనివ్వాలి.
5) ఇది చిక్కగా అయ్యిన తరువాత పంచదార వేసి కలపాలి. మిగిలిన నెయ్యి, యాలుకులుపొడి చిన్నగా ముక్కలుచేసిన జీడిపప్పు, బాదాం ముక్కలు వేసి ఒకనిముషం కలిపి స్టవ్ ఆపాలి. అంతే ఎంతో రుచిగా ఉండే ఆపిల్ హల్వ రెడీ.