చికెన్ : పావుకేజీ
అల్లం వెల్లుల్లి పేస్టు : టేబుల్ స్పూన్
కారం : అర టీ స్పూన్
ఉప్పు : తగినంత
పసుపు : పావు టీ స్పూన్
మైదా : రెండు టేబుల్ స్పూన్లు (తగినంత)
ఉల్లిముక్కలు : రెండు టేబుల్ స్పూన్లు
కొత్తిమీర తరుగు : ఒక టేబుల్ స్పూన్లు
పచ్చిమిరపకాయలు : పది
నూనె : వేయించటానికి సరిపడ
తయారుచేయు విధానం :
1) స్టవ్ ఫై నూనె వేడిచేసి ఉల్లిముక్కలు గోధుమ కలర్ వచ్చేవరకు వేయించు కోవాలి. దానిలో ఉప్పు, కారం, పసుపు, గరంమసాలా, అల్లం వెల్లుల్లి పేస్టు, చికెన్, కొత్తిమీర, కరివేపాకు వేసి వేయించాలి.
2) తరువాత కొద్దిగా నీళ్ళుపోసి ఒక విజిల్స్ వచ్చాక దించి చల్లారనివ్వాలి.
3) ఇప్పుడు దీనిని మిక్సిలో వేసి మెత్తగా మిక్సిపట్టాలి.
4) మైదాలో కొద్దిగా నూనె, ఉప్పు, నీళ్ళు వేసి చపాతి పిండిలా కలపాలి.
5) పచ్చిమిర్చిని వేడినీళ్ళల్లో వేసి ఐదునిముషాలు ఉంచి తీసి నిలువుగా ఒకప్రక్క గాటుపెట్టి లోపల గింజలు తీసి పక్కనపెట్టాలి.
6) ఇప్పుడు కలిపిన మైదాముద్దను చిన్నచిన్న ఉండలుగా తీసుకోని పూరీలా చేసి సన్నని రిబ్బన్ లా కట్ చేసుకోవాలి.
7) స్టవ్ మీద నూనె పెట్టి వేడిచెయ్యాలి.
8) ఇప్పుడు గాట్లుపెట్టిన పచ్చిమిర్చిలో చికెన్ మిశ్రమం పెట్టి కట్ చేసిన పూరీ రిబ్బన్ తో పచ్చిమిర్చిని పూర్తిగా చుట్టాలి. చివర్లు ఊడిపోకుండా నీటితో తడిపి అంటించాలి.
9) వీటిని అలాగే కాగేనూనెలో వేసి గోధుమరంగులోకి వచ్చేలా బాగావేయించి ఒక ప్లేటులోకి తీసుకోని టమాటాసాస్ తో సర్వ్ చెయ్యాలి.
అంతే చికెన్ మిర్చిబజ్జి రెడీ.