గుడ్లు బెండకాయలు కూర (Gudlu Bendakaya Curry in Telugu)

కావలసిన పదార్దాలు :

గుడ్లు : ఆరు 

బెండకాయలు :  పావుకేజీ 

ఉల్లిపాయలు : రెండు 

పచ్చిమిర్చి : మూడు 

కారం : టీ స్పూన్

ఉప్పు : తగినంత 

అల్లం వెల్లుల్లి పేస్టు : టీ స్పూన్ 

గరం మసాలా : అర టీ స్పూన్ 

చింతపండు : నిమ్మకాయంత 

కరివేపాకు : రెండు రెమ్మలు 

పసుపు : పావు టీ స్పూన్ 

నూనె : మూడు టేబుల్ స్పూన్లు 

కొత్తిమీర : కొద్దిగా 

తయారుచేయు విధానం :

1) గుడ్లు ఉడికించి వలిచి పక్కన పెట్టాలి. బెండకాయలు, ఉల్లిపాయలు, పచ్చిమిర్చి ముక్కలుగా కట్ చెయ్యాలి.

2) స్టవ్ వెలిగించి కళాయి పెట్టి నూనె వేడి చెయ్యాలి. నూనె కాగాక గుడ్లుకి అక్కడక్కడ గాట్లుపెట్టి వేయించి తియ్యాలి.
3) అదే నూనెలో ఉల్లి ముక్కలు, పచ్చిమిర్చి ముక్కలు వేయించాలి. తరువాత అల్లం వేల్లుల్లి పేస్తూ వేసి వేగిన తరువాత బెండకాయ ముక్కలు వేసి కలిపి ఒక నిముషం  మూత పెట్టాలి.
4)  ఇప్పుడు మూతతీసి ఉప్పు, కారం, పసుపు వేసి కలిపి కొద్దిగా నీళ్ళు పోసి మూతపెట్టి ఐదు నిముషాలు ఉడకనివ్వాలి. తరువాత చింతపండు రసం, గుడ్లు వేసి మరో ఐదు నిముషాలు ఉడకనివ్వాలి. ఇప్పుడు మసాలా, కొత్తిమీర వేసి స్టవ్ ఆపాలి.