బఠాని చాట్ (Battani Peanut Chaat in Telugu)

కావలసిన పదార్దాలు : 

బఠానీ : పావుకిలో 
బంగాళ దుంపలు : పావుకిలో 
చింత పండు : నిమ్మకాయంత 
అల్లం వెల్లుల్లి పేస్ట్ :  రెండు టేబుల్ స్పూన్స్
పుదినా : ఒకకట్ట 
పచ్చి మిర్చి : నాలుగు 
కొత్తిమీర : ఒక కట్ట
కారం  : ఒక టేబుల్ స్పూన్
ఉప్పు:  తగినంత
చాట్ మసాల : ఒక టేబుల్ స్పూన్ 
సన్న కారప్పూస  :  వంద గ్రాములు 
పెరుగు  : ఒక కప్పు 
పంచదార :  రెండు టీ స్పూన్స్ 
ఉల్లిపాయ : ఒకటి 
టమాట : ఒకటి 

తయారు చేసే విదానం :

బఠానీలు ఒక రోజు ముందు నానబెట్టుకోవాలి.పుదినా,పచ్చిమిర్చి కలిపి పేస్టూ చెయ్యాలి.
బంగాళ దుంపలు, నానబెట్టిన బఠానీలు, రెండు గిన్నెల్లో వేరు వేరు గా తీసుకుని కుక్కర్ లో పెట్టి ఉడికించాలి. బఠానీలు బాగా ఉడకాలంటే ఒక చిటికెడు వంట సోడావేసి ఉడికించాలి.టమాట ఉడికించి గ్రైండ్ చెయ్యాలి.
బాణలి తీసుకుని స్టవ్ మీద పెట్టి రెండు టేబుల్ స్పూన్స్ నూనె వేసి వేడి చెయ్యాలి 
వేడెక్కిన తర్వాత అల్లంవెల్లుల్లి పేస్ట్, పుదినా పచ్చి మిర్చి పేస్ట్ కూడా వేసి కొద్దిగా వేగాక 
ముక్కలు కోసి ఉంచినఆలు , బఠానీలు, తగినంతఉప్పు, చాట్మసాల, కారం,  ఒక చిటికెడు షుగర్ వేసుకోవాలి. ఉడికించి గ్రైండ్ చేసి టమాట కలపాలి .నానబెట్టిన చింత పండు రసం కూడా కలిపి బెల్లం వేసుకుని , కొద్దిగా నీళ్ళు పోసి మూత పెట్టాలి.
ఐదు నిమిషాల తర్వాత స్టౌ కట్టేసి కొత్తిమీర పైన వేసుకోవాలి. 
ఇలా తయారు చేసిన చాట్ ప్లేట్ లోకి తీసుకుని పైన సన్నగా తరిగిన ఉల్లి ముక్కలు, సేవ్ కారప్పూస వేసి పైన పంచదార కలిపిన పెరుగు వేసి ,కొత్తిమీర జల్లి సర్వ్ చేసుకోవాలి.