చాక్లెట్ కేక్ (Chocolate Cake in telugu )

చాకొలేట్ కేక్ 

కావలసినపదార్దాలు : 

మైదా - రెండు కప్పులు 

కోకో పౌడర్ - పావు కప్పుఉప్పు - చిటికెడు
తాజా గడ్డపెరుగు - ఒక కప్పు,

పంచదారపొడి - ఒక కప్పు,బేకింగ్ పౌడర్ - అర టీ స్పూను,
వంటసోడా - టీ స్పూను,
రిఫైండ్ నూనె లేదా వెన్న - అరకప్పు,
వెనిలా ఎసెన్స్ - టీ స్పూను,
జీడిపప్పు, ఆక్రోట్లు, బాదం - అరకప్పు,
పాలు - అరకప్పు
 కేక్ తయారు చేయు విధానం : 

1) మైదా, కోకోపౌడర్, ఉప్పు కలిపి జల్లించాలి.

2) పెరుగులో పంచదారపొడి కలిపి బాగా గిలకొట్టాలి.

3) దీనిలో వంటసోడా, బేకింగ్ పౌడర్ వేసి కలపాలి.

4) తరవాత నూనె, వెనిలా ఎసెన్స్ కలిపి మరికొద్ది సేపు గిలకొట్టాలి.

5) జల్లించిన మైదా, సన్నగా కట్‌చేసుకున్న డ్రైఫ్రూట్స్ కూడా వేసి కలపాలి.  అవసరమైతే కొద్దిగా పాలు కలపాలి. 

6) కేక్ గిన్నె లోపల భాగమంతా వెన్న రాసి, కొద్దిగా మైదా వేసి మొత్తం గిన్నెకంతా అంటుకునేట్టు పరిచిన తరవాత 

7) కలిపి ఉంచుకున్న కేక్ మిశ్రమాన్ని వేసి ముందే వేడి చేసుకున్న ఓవెన్‌లో 180 డిగ్రీల సెంటీగ్రేడ్ ఉష్ణోగ్రత దగ్గర 45 నుంచి 50 నిముషాలు బేక్ చేయాలి.

8) ఓవెన్ లేని వాళ్ళు అట్లరేకు ఫై ఇసుక వేసి దీనిని స్టవ్ మీద పెట్టి దీని ఫై కేకు గిన్నె పెట్టి చిన్న మంటమీద వండుకోవచ్చు.